Aksidentet vijojnë marrin jetë…por drejtuesit e motorëve ende nuk ndërgjegjësohen për kaskat

Aksidenti me pasojë fatale ku humbën jetën dy të rinj në Tiranë tronditi mbarë opinionin publik.

Për ekspertët e qarkullimit rrugor, ngjarja tragjike mund të ishte shmangur nesë dy të rinjtë, kengetari Ergi Dini dhe miku i tij Kejdi Halili, do të kishin vendosur kaskat mbrojtëse.

Por pavarësisht këtij konstatimi, duket se drejtuesit e këtyre mjeteve nuk janë sensibilizuar.

Nga një vëzhgim i bërë në  rrugët e kryeqytetit vetëm pak ditë pas ngjarjes,  kamera e Ora News  ka fiksuar dhjetra drejtues motorësh, të cilët vazhdojnë të qarkullojnë pa këtë mjet mbrojtës edhe pse janë të detyruar me ligj.https://youtu.be/MVl32qAXHys

Janë të paktë ata që vendosin kaskat mbrojtëse, megjithëse ndëshkimi nga policia është në shifra të larta.

Sipas statistikave  të policisë së shtetit në muaj gjobiten vetëm për shkak të kasave rreth 2000 drejtues motorash.

Por pavarësisht kësaj ndërgjegjësimi i vetë drejtuesve është i ulët dhe problematik për jetën e tyre dhe të pasagjerëve apo këmbësorëve