Aksidenti fatal tek Uji i Ftohtë, Prokuroria kërkon të arrestohet djali që ishte në timon

Prokuroria e Vlorës ka kërkuar sot arrestimin e të riut që shkaktoi aksidentin fatal tek Uji i Ftohtë dy ditë më parë dhe ku humbi jetën Kristi Panajoti.

Petro Bajo, 21 vjeç, ishte duke drejtuar makinën BMW X6 në momentin kur makina e tij ra në gropat e hapura për ndërtimin e Lungomares dhe çoi në vdekjen e 17-vjeçarit, shokut të tij pasagjer.

Gjyktarët kanë shkuar sot në spitalin e Vlorës ku ai ndodhet i plagosur për t’i komunikuar masën e arrestit.

Po ashtu, ka kërkuar arrest me burg edhe për inxhinjerët e firmës që nuk vendosën sinjalistikën paralajmëruese për punimet që po kryheshin.