Aksidenti në Lungomare, ndalohen dy punonjësit e firmës së rrugës

Dy punonjës të firmës Xh & M Sh.p.k” janë ndaluar në kuadër të hetimeve që po zhvillohen për aksidentin mbrëmë në Vlorë, ku një makinë BMË X6 ra në gropën e Lungomares.

Të ndaluarit janë Ilirian Tahmazi, me detyrë Përgjegjes i Sigurimit Teknik dhe Tomorr Cena, me detyrë Inxhinier Zbatues i Projektit.

Nga hetimet e kryera në bashkëpunim me Prokurorinë, Policia ka bërë ndalimin e këtyre dy shtetasve, si autorët e dyshuar për kryerjen e veprës penale “Shkelja e rregullave të mbrojtjes në punë”.

Vazhdojnë hetimet për dokumentimin e plotë ligjor të ngjarjes si dhe për zbulimin e shkaqeve dhe rrethanave të aksidentit. Materialet iu referuan Prokurorisë së Rrethit Gjyqësor Vlorë për veprime të mëtejshme.