Aksidenti tragjik në Vlorë, ky është shefi i policisë që u arrestua

Ditën e sotme është vënë në pranga Shefi i Seksionit për Hetimet e aksidenteve në Policinë e Vlorës pasi akuzohet se i ka bërë presion të plagosurit në aksidentin tragjik të 26 nëntorit, ku mbeti i pajetë edhe një 18-vjeçar.

Sipas Shërbimit të Çështjeve të Brendshme dhe Ankesave, punonjësi i policisë Myslim Ismailaj në cilësinë e Oficerit të Policisë Gjyqësore që ka kryer veprimet procedurale për aksidentin tek “Lungomare” i ka kërkuar të plagosurit Petraq Beja që të deklarojë se ka probleme me shikimin, duke dashur të nxjerrë shikimin si shkak të aksidentit dhe jo faktin që në rrugën në ndërtim mungonin tabelat për të sinjalizuar se rruga kishte devijim dhe në mes të saj ishte hapur një gropë.