Arrestimi i shefit të Kardiologjisë, kolegët në protestë: S’ndalemi deri sa të lirohet!

Bluzat e bardha në Shkodër kanë protestuar edhe sot kundër arrestimit të shefit e Kardiologjisë në spitalin e Shkodrës, Edi Smajlaj.

Protesta është zhvilluar në spitalin rajonal dhe kolegët e tij kërkojnë lirimin emjekut, duke e quajtur absurd vendimin për prangosjen e tij.

“Jo pranga”, janë pankartat që mjekët mbajnë në duar. “Jemi ketu kunder arrestimit. Eshte e padrejte. Smajlaj ka dhene kontributin e tij dhe bejme thirrje te lirohet sa me pare. Do vazhdojme protestat deri ne lirimin e tij”- thotë Skender Duka, mjek pediater.

Smajlaj u arrestuar pasi akuzohet se ka shtruar në spital dhe ka falsifikuar një kartelë mjekësore për Simon Lufin, pedagogun e Universitetit të Shkodrës të arrestuar për korrupsion.

Lufi u arrestua bashkë me një tjetër pedagog se kanë marrë para për provimet e studentëve.

Ai është shtruar në Spitalin e Shkodrës dhe Smajlaj i ka bërë një kartelë që ta mbajë aty sikur ka probleme me zemrën. Ky veprim është bërë për të shmangur një masë sigurie si arresti me burg.