Arrestohen autorët e plagosjes në Durrës, 42-vjeçari u qëllua aksidentalisht me thikë

Policia e Durrësit ka arrestuar dy autorët e plagosjes së 42-vjeçarit me iniciale H.K mbrëmjen e sotme në qytetin bregdetar.

Dy të arrestuarit janë A.K 36 vjeç dhe E.P 22 vjeç, të cilët kanë lidhje familjare me njëri-tjetrin. Policia sqaron gjithashtu se nga konflikti që ndodhi në lokal, 42-vjeçari mbeti i plagosur me thikë dhe jo me armë zjarri siç u raportua në fillim.

Ai u qëllua gabimisht, pasi në konflikt ishin përfshirë dy të arrestuarit me pronarin e lokalit me iniciale H.K, ku ndodhi ngjarja. Për të qetësuar sherrin, 42-vjeçari ndërhyri mes palëve, por mbeti i plagosur aksidentalisht.

Shkak i sherrit mes kushërinjve dhe pronarit të lokalit mendohet se ka qenë një borxh i pakthyer. Grupi hetimor vazhdon punën për zbardhjen e plotë të kësaj ngjarje.