Arrestohen grabitësit e makinave në Tiranë, ja vjedhjet që kanë bërë

Dy të rinj që grabisnin makina në Tiranë janë arrestuar nga policia, të cilët u kapën në flagrancë duke vjedhur një automjet. Të arrestuarit janë Elidon Vojka 19 vjeç nga Berati dhe Emanuel Gupe 23 vjeç.

Të dy u kapën në flagrancë në rrugën ‘Myslym Shyri’ në kryeqytet, kur po tentonin të thyenin xhamin e automjetit tip “Smart”, në pronësi të S. D.

Emanuel Gupe rezulton se është person i shpallur në kërkim nga policia e Beratit për vjedhje.

Gjithashtu, policia ka dokumentuar se dy të arrestuarit janë autorë të dyshuar të ngjarjeve të ndodhura si më poshtë:

• Më datë 03.11.2016, në Rrugën “Ali Baushi, kanë vjedhur navigatorin e automjetit tip “Mercedes Benz”, në pronësi të shtetasit M. S.

• Më datë 19.11.2016, në parkingun e Q.S.U.T., kanë vjedhur Navigatororin e automjetit tip “Mercedes Benz”, në pronësi të shtetasit A. M.

• Më datë 20.11.2016, në Rrugën “Mihal Popi”, kanë vjedhur dy pasqyrat dhe airbag-un e timonit, të automjetit tip “Mercedes Benz”, në pronësi të E. S.

• Më datë 15.09.2016, në Rrugën “Shefqet Musaraj”, kanë marrë një aparat fotografik nga automjeti tip “Opel”, në pronësi të J. K.

• Më datë 29.06.2016, në Rrugën ‘”Kongresi i Lushnjës’”, kanë vjedhur pasqyrat si dhe disa aksesorë brenda automjetit tip “Mercedes Benz”, në pronësi të J. C.