Arrestohet Agim Shehu

Policia e Vlorës ka arrestuar më në fund Agim Shehun, një ish-elektriçist nga Vlora që kishte mbajtur për vete, paratë e faturave të energjisë të dhjetra abonentëve.  Arrestimi u bë 6 vjet pas arratisë së tij. Policia tha se e ka arrestuar për “Mashtrim”, 46-vjeçarin Shehu me banim në Cerkovinë.

Ai kishte qënë i shpallur në kërkim prej mëse 6 vjetësh dhe i dënuar me burg në mungesë, me 3 vjet burg.

“Gjatë periudhës 2009-2010 duke qenë punonjës i OSHEE-së Vlorë, – njoftoi Policia,  ka përfituar një sasi parash të disa personave duke u premtuar se do ta paguanin energjinë elektrike afrofe, pa kamatë vonese, nëpërmjet mashtrimit. Vepër penale për të cilën është dënuar me 3 vite burg.”

I arrestuari ka të njejtin emër me gjeneralin, ish-drejtorin e Policisë ndër vite, Agim Shehun.