Arrestohet në Vjenë shqiptari më i rrezikshëm i Europës. Ja emri i supertrafikantit

Konsiderohet si një ndër të paktët trafikantë të rrezikshëm shqiptarë që kishin mbetur jashtë burgut, por edhe ai është vënë në pranga

Forcat speciale austriake kanë arrestuar mbrëmjen e djeshme në Kroneuburg në veri të Vjenës shqiptarin e rrezikshëm i cili ka qenë i vetëm në momentin kur është arrestuar.

Bëhet fjalë për një emër të njohur edhe për drejtësinë shqiptare.

Blenard Fejzullai, 40 vjeë nga Shqipëria, është vënë në pranga sepse duhet që të vuajë 12 vite burg në Itali.

Ai ishte dënuar në vitin 2006 nga Gjykata e Milanos, e prej 10 vitesh ishte në arrati, e sipas policisë italiane ai në shumicën e kohës ka jetuar në Shqipëri, në Fier si dhe duke vizituar Europën Qendrore e Italinë, por duke u maskuar.

Po sipas policisë së shtetit fqinj, për 10 vite e gjysmë Fejzullai ka jetuar në luks, para të ardhura nga trafiku i heroinës dhe frikës se mos ndoshta zbulohej dhe kapej nga institucionet ligjzbatuese të shtetit fqinj.