As vitin tjetër s’ka investime në rrugë, deputetët i kërkojnë ‘hesap’ Dervishajt

Buxheti i vitit të ardhshëm për transportet dhe infrastrukturën, megjithëse është në rritje, nuk i përmbush nevojat që ka ky sektor.

Vetëm 9 për qind e buxhetit total prej 31.2 miliardë lekësh do të shkojë për investime në infrastrukturën rrugore, e cila trashëgon problematika të shumta dhe projektet më të rëndësishme ende nuk kanë përfunduar.

Deputetët e Komisionit Parlamentar të Veprimtarisë Prodhuese, shkruan rtvscan, kanë kërkuar llogari nga Ministri i Transportit, Sokol Dervishaj për buxhetin e ulët në këtë drejtim si dhe për prioritetet që duhet të ketë.

Ministri Dervishaj ka theksuar se fokusi do të jetë në mbylljen e projekteve nacionale që janë të rëndësishme edhe për zhvillimin e ekonomisë.