Autobusi përplas motorin në Elbasan, plagosen dy persona

Është vënë në pranga një person nga policia e Elbasanit, pasi duke drejtuar një autobus është përfshirë në një aksident.
Mësohet se Ilias Xhika, 46 vjeç, banues në fshatin Shtëpanjë Cërrik, duke drejtuar mjetin autobus tip Benz me targa AA057PD, është përplasur me mjetin motorr tip Yamaha me targa EL888, drejtuar nga B.M, 66 vjeç, banues në fshatin Mollas Cërrik.

Si pasojë, është dëmtuar drejtuesi i motorit dhe bashkëshortja e tij B.M 60 vjeçe e cila ishte pasagjere në mjetin tip motor.

Ata u dërguan në spital për ndihmë mjekësore dhe ndodhen jashtë rrezikut për jetën.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkelja e Rregullave të Qarkullimit Rrugor”