Avioni i drogës në Ishëm, italianët kërkojnë mjetin dhe akuzojnë: Është intrigë ndërkombëtare

“Avioni është në pronës të të Aero Club të Savonës dhe të Riviera Ligure dhe ne kërkojmë kthimin e tij”.

Një letër e re bashkë me dokumentet e pronësisë të mjetit fluturues është nisur nga Italia për në ambasadën italiane në Tiranë, nga avokati Andrea Sacone, mbrojtësi i kompanisë.

Sipas pronarëve të avionit kjo që po luhet është një “intrigë ndërkombëtare” në të cilën është përfshirë një pjesëtar i kompanisë së tyre, piloti Guido Andrea Guidi, 69 vjeç nga Milano.

Avioni i modelit “Piper Saratoga” është bllokuar në Shqipëri pasi u rrëzua në Ishëm të Durrësit dhe do të mbushej me kanabis sativa.