Banda e ‘skifterëve’, këta janë 7 shqiptarët që tmerruan Gjermaninë

Personat që shihni në foto, janë 7 shqiptarë të cilët ishin kthyer në tmerrin e Gjermanisë, pasi dyshohet të jenë autorë të 65 vjedhjeve.

Sipas gjermanes ‘express.de’, banda e shqiptarëve të arrestuar, identiteti i të cilëve nuk bëhet i ditur, janë të moshave 21 dhe 45 vjeç. Sakaq, bëhet e ditur se banda kriminale e shqiptarëve vepronte në Bon, por edhe në zonat përreth si në Koln e Bad Breisig (Rheinland-Pfalz).

Në kuadër të operacionit të koduar ‘Dritarja’, kreu i hetimit, Mark Patrick Luck theksoi se të gjithë të dyshuarit e implikuar në këtë rrjet u është refuzuar azili, ndërsa janë në pritje të procedurave për dëbim nga Gjermania. Të njëjtat burime theksojnë se shqiptarët akuzohen për një seri vjedhjesh me dhunë; 47 apartamente dhe 18 makina.