Basha akuzat Ramës: 120 mln euro ia dhe miqve për fasada e buzëkuq që s’i duhen aq dreqit

SHIJAK-Kryetari i Partisë Demokratike Lulëzim Basha ka zhvilluar një takim ditën e sotme me drejtues të strukturave të PD ne Shijak, nga ku ka akuzuar kryeministrin Rama se paratë që duhet t’i jepte për paga dhe pensione jua jep miqve të tij.

Sipas kreut të opozitës pagat dhe pensionet do të ishin më të larta dhe qytetarëve nuk do t’u rritej çmimi i energjisë elektrike nëse paratë e mbledhura kryeministri nuk do ti mbante për vete.
” Ska lekë për subvencione për bujqësinë thot. 220 milionë euro që kanë shkuar për shpenzime luksi, ose tendera për shokët, po ti pjesëtojmë me numrin total të fermerëve i bie mesatarisht 500 dollarë për fermer subvencione. Ka parë njëri këtu kokër leku këto tre vjet?! Jo 500 në vit, po kokërr leku?!
120 milionë të tjera ia ka dhënë miqve të vetë për punë publike, fasada, për buzëkuq që s’i hyjnë në punë as dreqit. Ça ndodh?! Mbjell palma në autostradë, autostrada me shiun e parë u kthye në lumë. Shihni faturat e energjisë, ça bënë me ato lekë?! Mos ka bërë linja të reja këtu, mos ka zëvendësuar transformator?! Ja ta them unë se çfarë bën: 5.4 milionë euro ia ka dhënë Pandi Carapulit”- u shpreh Basha.

Kreu i PD theksoi se zgjidhja e vetme është që kryeministri t’i ndajë ndryshe paratë e mbledhura, pasi politika është se çfarë bën me buxhetin jo me fjalët. “Kryeministri i zgjedh që 220 milionë euro të jenë shpenzime luksi, ose tendera për shokët. Po të vendoste t’i ndante ndryshe ka para edhe për t’u dhënë fermerëve subvencion, mesatarisht 500 mijë lekë të vjetra në vit, po ti ndash barabar, dhe pastaj ka prapë pare për të rrit pensionet, për të rritur ndihmën sociale apo për të investuar në infrastrukturë bujqësore, në kanale vaditëse apo kullimi, apo në fidanë, fara, plehra kimike të cilësisë së lartë pa akcizë, apo në uljen e çmimit të energjisë, apo në uljen e çmimit të naftës. Kur ke pushtetin politika është buxheti, sa taksa mbledh dhe çfarë bën me paratë që mbledh. Ky ka rritur taksat dhe paratë që mbledh i ka vetëm për veten e tij,”-tha kreu i opozitës.