Basha: Do i kërkojmë Kushtetueses të ridërgojë kërkesën në Venecia, ka gabime në përkthim

TIRANE- Burime nga grupi i Partisë Demokratike kanë dhënë detaje nga mbledhja e sotme, ndërsa pohuan se në qendër të diskutimeve ishte ligji për Vettingun, pjesë e paketës së reformës në drejtësi.

Të njëjtat burime theksuan se kreu i opozitës, Lulzim Basha ka informuar Gjykatën Kushtetuese dhe Parlamentin që të ripërsëris edhe njëherë kërkesën ndaj Komisionit të Venecias për Vettingun. Burimet theksuan se përkthimi i Kushtetutës dhe Vettingut ka gabime të mëdha.

“I kemi kërkuar Gjykatës Kushtetuese të ripërsëris kërkesën ndaj Venecias. Do informojmë zyrtarisht Venecian për këtë problem.”, mësohet të jetë shprehur Basha para grupit parlamentar.