Berisha zbulon gënjeshtrën e Kryeministrit Rama për rritjen e pagave

Kryeministri Edi Rama deklaroi sot se Qeveria Berisha gjatë 8 viteve bëri rritje të pagave me 124 milionë Dollarë, kurse qeveria aktuale në një vit po shpenzon 100 milionë Dollarë për rritjen e rrogave.

Kjo deklaratë e Ramës ka bërë që ish-Kryeministri Sali Berisha të reagojë duke hedhur poshtë këto pretendime të kreut të qeverisë shqiptare.

Sipas Berishës, në 8 vite Qeveria e drejtuar prej tij bëri rritje të pagave dhe pensioneve me 634 milionë Dollarë dhe këtu nuk llogariten shpërblimet e fundvitit.

Reagimi në Facebook i ish-Kryeministrit Sali Berisha:

Mashtrim ordiner i piktorit xhahil dhe deshtak. Ai deklaroi:

“Në 8 vjet qeveria e kaluar bëri rritje me 124 milionë Dollarë. Ne në një vit 100 milionë Dollarë”.

Te dashur miq, 8 vitet e kaluara, librat e thesarit, qe piktori deshtak dhe xhahil nuk dine se çfare jane, deshmojne se ne 8 vjet qeveria e kaluar beri rritje te pagave dhe pensioneve me 634 milione dollare pa llogaritur shperblimet e fundvitit. Prandaj dhe rrogat e arsimit, shendetesise u rriten me 120-160%; rrogat dhe pensionet e ulta me 110%; rroga mesatare ne Shqiperi ishte me e larte se sa ne dy vende te BE! Por Ramen nuk e lejon injoranca te kuptoje se çfare flet! sb