CNN: Jared Kushner, bashkëshorti i Ivanka Trump dhe ndikimi i tij në administratën amerikane

Presidenti i zgjedhur i Shteteve të Bashkuara të Amerikës, Donald Trump ka larguar nga drejtimi i ekipit të tranzicionit, republikanin Chris Christie i cili ka shërbyer si guvernator i Nju Xhersit duke e zëvendësuar atë me zëvendës presidentin e zgjedhur Mike Pence. Deri ketu nuk ka asgjë të jashtëzakonshme, por mediat amerikane kane drejtuar gishtin nga bashkëshorti i Ivanka Trump, Jared Kushner, i cili sipas CNN ka ndërhyrë që Christie të largohet nga kjo detyrë e rëndësishme.

Jared Kushner është djali i biznesmenit të njohur amerikan me origjinë izraelite Charles Kushner i cili është arrestuar në vitin 2004 nën akuzën e shmangies së taksave. Ka qenë pikerisht Chris Christie i cili në atë kohë shërbente si prokuror i cili ka kontribuar që Charles Kushner, babai i dhëndrit te Trump të merrte maksimumin e dënimit në vitin 2004.

Sipas CNN, 35 vjeçari Jared Kushner, bashkëshorti i Ivanka Trump është duke u shndërruar në një nga figurat qëndrore të administratës së re. Edhe pse më pak i njohur se Ivanka, mediat amerikane shkruajne se ai ka një ndikim të jashtëzakonshëm. Po diskutohet gjerësisht në qarqet politike se largimi i Christie ishte pjesërisht një akt shpagimi personal nga Kushner për arrestimin e babait të tij në vitin 2004.