Dhjetëra mjete bllokohen në trafik në aksin Fushë-Krujë-Tiranë

Dhjetëra automjete janë bllokuar për disa minuta në një trafik të rënduar pasditen e sotme në aksin rrugor Fushë-Krujë-Tiranë.

Shkak për këtë është bërë një aksident automobilistik i ndodhur rreth orës 17:45 në këtë aks rrugor.

Burimet e policisë njoftuan se ishin dy mjete që ishin aksidentuar dhe për pasojë një person u plagos.

Ai është dërguar në spital për të marrë ndihmën mjekësore dhe ndodhet jashtë rrezikut për jetën.

Policia e mbërritur në vendngjarje po heton shkaqet dhe rrethanat e aksidentit, teksa bluve i është dashur edhe të zhbllokojnë trafikun në aksin Fushë-Krujë-Tiranë.