DOKUMENTI/ Zbulohet urdhri i Hekuran Isait në 15 dhjetor ’90: Të zhduken dosjet e Sigurimit të Shtetit

Më 4 dhjetor 1989, në Erfurt në Gjermaninë Lindore, qytetarët mësynë zyrat e STASI-t, pasi në orët e para të mëngjesit vunë re tymin e bardhë që po dilte nga godina e STASI-t, ku po digjeshin dosjet. Zyrtarët e STASit, kishin nisur përpjekjet për të zhdukur gjurmët e krimit gjatë diktaturës. Por populli i Gjermanisë Lindore nuk i lejoi ata. Pas krijimit të Komisionit Special në vitin 1990, dosjet u hapën për qytetarët në vitin 1992.

Ndërsa në Shqipëri, plot një vit më vonë, ministri i Brendshëm i diktaturës, Hekuran Isai urdhëroi zhdukjen e dosjeve të Sigurimit. Më 15 dhjetor 1990, pak ditë para se komunistët të dorëzonin pushtetin, Hekuran Isai u kujdes nën urdhërat e udhëheqjes të zhdukë gjurmët e krimit. Urdhri u dha nga Hekuran Isai i cili pas pak javësh do të largohej nga kjo detyrë bashkë me udhëheqjen e PPSH-së, për ti hapur rrugën më të rinjve komuniste, të cilët do të zbatonin me përpikmëri planin për zhdukjen e gjurmëve të krimit.
Brumatricet asgjësuan tonelata dosjesh rreth 29 000 dosje, rreth 75 % e dokumentacionit të arkivuar në organet e Sigurimit të Shtetit. Vetëm në një orë asgjësoheshin 800 kg dosje. Dokumenti në arkivëne shtetit e vërteton aktin e fundit komunist, zhdukjene gjurmëve të krimit të tyre.