Donald Trump e kalon Ditën e Falenderimeve duke pyetur: Cilin të emëroj Sekretar Shteti?

Republikani Mitt Romney dhe ish-kryebashkiaku i Nju Jorkut Rudy Giuiliani janë dy personazhet më të përfolur për të mbajtur postin e Sekretarit Amerikan të Shtetit gjatë Presidencës së Donald Trump.

Dy ditë më parë kur u shënua Dita e Falenderimeve, Donald Trump ishte zhvendosur në klubin e tij në Florida.

Dhe tema kryesore e diskutimeve gjatë Ditës së Falenderimeve ishte se kë do të zgjidhte për Sekretar Shteti, raportojnë mediat amerikane.

Në tavolinë ai ishte së bashku me anëtarët e familjes, bashëshorten Melanie dhe djemtë Eric dhe Barron.

Donald Trump kërkonte mendimin e tyre se cilin nga të dy të emëronte në postin e rëndësishëm të Sekretarit të Shtetit.