Donald Trump emëron kritikun e ‘Obamacare’ si Sekretarin e ri të Shëndetit

Presidenti i zgjedhur Donald Trump ka emëruar kritikun kryesor të “Obamacare”(reformës shëndetësore të Obamas) , Tom Price si zgjedhjen e tij për Sekretarin e Shëndetit.

Kongresmeni nga Gjeorgjia është një kirurg ortopedik, 62 vjecar i cili kryeson komitetin e buxhetit në Dhomën e Përfaqësuesve.

Ai do të luajë një rol qendror në planet e republikanëve për të zëvendësuar “Aktin e Kujdesit Shëndetësor te Obamas”.

Në fushatën e tij, zoti Trump u zotua për shfuqizimin e tij dhe tha se do të zëvendësonte aktin sa me shpejt.

Megjithatë, ai që ka thënë se favorizon mbajtjen e dispozitave të caktuara.