‘Dua ta godas Trumpin në fytyrë!’ Obama nderon me Medalje Presidenciale Robert De Niro

Në një nga veprimet e tij të fundit në detyrë, Presidenti Barack Obama përzgjodhi figura kyçe nga  sporti, biznesi, filantropia, aktivizmi, akademiket dhe bota e artit në mesin e 21 njerëzve të cilët do tu jepet Medalja Presidenciale  e Lirisë për vitin 2016,  nderi më i lartë civil në Shtetet e Bashkuara.

Obama do të prezantojë fituesit e kësaj medaljeje ku përfshihen,  Bruce Springsteen, këngëtarja Diana Ross, ish-kampionët e basketbollit Michael Jordan dhe Kareem Abdul-Jabbar dhe aktorët Tom Hanks, Robert De Niro dhe Robert Redfore,  në një ceremoni në Shtëpinë e Bardhë më 22 nëntor.

Theksojmë se Robert De Niro ka përdorur gjuhë të fortë për të përshkruar presidentin e zgjedhur , Donald Trump, duke thënë se ai do të donte “t’ia fuste një grusht fytyrës.

Ai është një idiot i paparë. Ai është një qelbësirë, një qen, një derr, një artist i keq. Një hajvan që nuk e di se çfarë po flet, që nuk i ka bërë detyrat e shtëpisë, që nuk ka kujdes, që mendon se shoqëria është lojë pokeri, që nuk paguan taksat. Ai flet se si do të dëshirontë të godistë njerëzit në fytyrë?  Epo, unë do doja fort ta godisja atë në fytyrë’ është shprehur aktori.

Komentet e e De Niro ishin aq të forta sa video e tij është shpërndarë me mijëra herë nëpër rrjetet sociale

“Medalja presidenciale e Lirisë nuk është vetëm nderi më i lartë civil i vendit tonë, ajo  është një shpërblim pa marrë parasysh se nga ku kemi ardhur por cfar kemi bërë për ta ndryshuar këtë vend për më mirë”, tha Obama në një deklaratë.