E pabesueshme/ Escobar 27 vite më parë rrëzoi një avion në vendin e njëjtë me fatkeqësinë e sotshme

Në fatkeqësinë ajrore që ndodhi sot ishin 81 udhëtarë (72 pasagjerë dhe 9 anëtarë të ekuipazhit). Avioni u rrëzua në prag të uljes pranë qytetit të Medellin në Kolumbi, ku vdiqën të paktën 76 persona, ndërsa pesë prej tyre mbijetuan.
Operacioni i shpëtimit është në vazhdim. Aeroplani bolivian, sipas raporteve fillestare, kërkoi ulje emergjente në aeroportin Medelin. Leja i është dhënë, por në atë moment u zhduk nga komunikimi.

Është rastësi që kjo ngjarje tragjike ndodhi 27 vjet pas një prej aksidenteve më të mëdha të aviacionit në historinë kolumbiane e që e kishte urdhëruar bosi i drogës, Pablo Escobar. Data është pothuajse e njëjtë. Escobar, aeroplanin e fluturimit 203 të Avianka Airlines, i cili po fluturonte nga Bogota për Cali, e rrëzoi me 27 nëntor 1989 në afërsi të qytetit të aksidentit të sotëm, raporton “Index”.

Në atë fatkeqsi u vranë 107 pasagjerë dhe anëtarë të ekuipazhit, ndërsa u vranë tre persona në tokë, të cilët u goditën nga mbetjet e avionit që u shkatërrua plotësisht nga një bombë. Sipas hetimeve të mëvonshme, bomba ishte vendosur në valixhen e njërit nga pasagjerët.

Ky ishte sulmi më i përgjakshëm i qindra sulmeve që u kryen nga Escobar dhe mercenarë e tij, anëtarët e kartelit Medelin.

Escobar kishte menduar se në avion do të jetë Cesar Gaviria Trujillo, kandidat presidencial. Por ai rastësisht nuk ishte një aeroplan, dhe së shpejti, si armiku kryesor i Escobar, bëhet president i Kolumbisë.

Por, në mesin e të vrarëve ishin dy amerikanë, dhe do të ishte ky aksident që tronditi publikun dhe detyroi autoritetet, si kolumbiane dhe amerikanë, që të shtypet Escobar.

Escobar ishte tregtari më i madh i drogës në histori, në baza ditore në Shtetet e Bashkuara kishte kontrabanduar kokainë me vlerë disa milion dollarë.

Sipas disa raporteve, ai kishte fituar deri 70 milion dollar në ditë. Mendohet se në një moment ai ka kontrolluar rreth 70 për qind të trafikut botëror të kokainës. Por, pavarësisht nga fuqia dhe paratë, vitet e fundit të jetës i kaloi në arrati dhe fshihej si nga autoritetet ashtu dhe nga konkurrenca. Ai u vra në dhjetor të vitit 1993 në Medelln./GazetaExpress/.