Egjipti heq dënimin me vdekje ndaj ish-presidentit Morsi

Një gjykatë egjiptiane hoqi dje dënimin me vdekje ndaj presidentit të rrëzuar egjiptian, Mohamed Morsi në rastin e njohur si “arratisje masive nga burgu në vitin 2011”.

Burime gjyqësorë në kushte anonimati pohojnë se gjykata ka urdhëruar rigjykim të çështjes.

Gjykata egjiptiane në fund të qershorit konfirmoi vendimin me të cilin Morsi dënohej me vdekje.

Më parë, gjykata kishte lëshuar edhe një vendim tjetër, ku Morsi, presidenti i parë i zgjedhur në mënyrë demokratike i Egjiptit, i cili u rrëzua me anë të grushtit ushtarak të shtetit në vitin 2013, dhe 16 të pandehur të tjerë, ishin dënuar me burgim të përjetshëm nën akuzën për spiunazh./ATSH