“El Clasico” rrezikon të humbas spektaklin, Messi mungon në stërvitje

Në Katalunjë lajmi keq nuk është barazimi i fundit i Barcelonës ndaj Real Sociedad, por mungesa e Lionel Messit sot sot në stërvitje. Pas një seri dëmtimesh dhe rezultatesh jo të mira ky është lajmi që nuk duhej para “El Clasico-s” me Realin e Madridit.

Argjentinasi shënoi golin e vetëm për ekipin e tij në “Anoeta”, por mungoi në stërvitjen e sotme, i lënë pushim nga stafi teknik. Mediat spanjolle raportojnë se Mesi ka ndjerë shqetësime dhe për çështje sigurie është vendosur që ai të qëndrojë pushim, pasi Luis Enrike nuk dëshiron të humbë yllin e tij para duelit më të rëndësishëm të fazës së parë të sezonit, në të cilin një humbje mund të rezultonte vendimtare për titullin kampion.

Ndërkaq, Zherard Pike dhe Zhordi Alba, të cilët kishin probleme fizike pas goditjeve që morën në duelin e djeshëm ndaj Real Sociedad, parashikohet të jenë të gatshëm në fundjavë. Por të dy, ashtu si edhe Mesi, nuk pritet të jenë në fushën e lojës për sfidën e Kupës së Mbretit që Barcelona luan në mesjavë ndaj Herkules.