Enno Bozdo: Erion Veliaj vodhi iniciativën e Bashës për Kuvendin Kombëtar, i ndërroi vetëm emrin

Ish-nënkryetari i Bashkisë së Tiranës Enno Bozdo ka akuzuar kryebashkiakun e Tiranës Erion Veliaj se ka vjedhur idenë e ish-kryetarit Lulzim Basha për krijimin e Kuvendit të Njësive Vendore Shqiptare, por vetëm i ka ndërruar emrin.

Përmes një deklarate dërguar mediave, Bozdo thotë se iniciativa ishte bërë që në kohën kur Bashkia e Tiranës drejtohej nga Lulzim Basha dhe duhej çuar vetëm përpara.

Deklarata e Enno Bozdo:

Katër vjet më parë, me iniciative të Lulzim Bashes, u krijua Kuvendi Kombëtar i Njësive Vendore Shqiptare.

Vendimi u mor gjatë takimit me kryetarët e Komunave të Prishtinës, Isa Mustafa, të Tetovës, Sadi Bexheti, të Preshevës, Ragmi Mustafa, të Ulqinit, Nasif Cunku, si dhe te kryetarëve të Komunave të Gostivarit, Strugës, Dibrës së Madhe, Çairit, të Prizrenit, Mitrovicës, Pejës, Gjilanit, Ferizajt, Podujevës etj, ne vigjilje te 100 vjetorit te Pavaresise se Shqiperise.

Kuvendi i përhershëm, i organizuar sipas përvojave më të mira ndërkombëtare, evropiane shërbeu për të vene ne zbatim praktikat më të mira të mirëqeverisjes lokale, ndarjen e eksperiencës nisur nga përvojat e njëri – tjetrit, eksperienca të cilat ndihmojnë për të zgjidhur probleme të përbashkëta apo të përveçme, si dhe për të forcuar bashkepunimin dhe shërbyer më mirë qytetarëve. Kjo inisiative gjithashtu u ideua te sherbente per çuarjen përpara te ndjesise së ribashkimit kombëtar, aspiratën e qytetarëve tanë për identitet evropian dhe për bashkim në Bashkimin Evropian.

Ndërkohë që kjo iniciative duhej vetëm cuar përpara, Erion Veliaj vendos t’i ndryshojë emrin e ta shese si iniciative të tij. Kjo në fakt pas vjedhjes dhe abuzimit me paratë e taksapaguesve të kryeqytetit është e vetmja punë që di të bejë.

Cdo media e lirë mund ta vertetonte këte fakt vetem me një kerkim në arkivin e saj ose në google.

Ky veprim vecse e ben me qesharak Erion Veliajn ne syte e shqiptareve, ketej e andej kufinjëve.?