Erdogan kërcënon BE: Hap kufijtë për emigrantët nëse pengoni negociatat

Presidenti turk, Erdogan ka paralajmëruar ditën e sotme BE-në, se do të hapë kufijtë për emigrantët nga Lindja e Mesme që ata të shkojnë drejt vendeve të Unionin.

Deri më tani, Brukseli ka qenë mjaft i ashpër me Turqinë. BE-ja vëren se në Turqi ka shkelje të lirive dhe të të drejtave të njeriut, ndërkohë që po bashkëpunon ngushtë me këtë të fundit në lidhje me përballimin e fluksit të emigrantëve.

“Nëse ju shkoni më tej, atëherë ato porta do të hapen. As unë, as populli im nuk do të frikësohet nga kërcënimet boshe të BE-së”, tha Erdogan në një kongres për të drejtat e grave në Stamboll.