Festimet/ Nishani në Vlorë, Basha e Berisha tek Dëshmorët

Sot në orën 10:00 kanë kulmuar festimet për Ditën e Pavarësisë. Në mënyrë simbolike është ngritur Flamuri në Vlorë në përkujtim të 104 vjetorit të Pavarësisë së vendit nga Presidenti i vendit, Bujar Nishani. Ndërkohë në njëjtën kohë, Basha dhe Berisha kanë nderuar dëshmorët e LANÇ tek monumenti Nënë Shqipëri në Tiranë. Gjithashtu në sheshin Skenderbej, kryebashkiaku Veliaj ka ngritur flamurin në kujtim të Pavarësisë. Ndërkohë Kryeministri i vendit, Edi Rama, sot më 28 Nëntor ndodhet për vizitë zyrtare në Gjermani. Siç ka ndodhur në këto 25 vite demokraci, politika ka festuar e ndarë. E djathta përkujton sot njëherësh Pavarësinë dhe Çlirimin. Ndërsa për të majtët sot është vetëm Dita e Pavarësisë, ndërsa Çlirimin e feston nesër më 29 nëntor.