Filmi “Mona” në Malta International Film Festival

Filmi “Mona”, gjatë muajit dhjetor është përzgjedhur të shfaqet edhe në programin zyrtar të Edicionit të 16 Camera Zizanio International Film Festival / European Young Film/ i cili mbahet në Peleponezë të Greqisë, e poashtu do të shfaqet edhe në Edicionin e 10 të Pentedattilo Film Festival në Kalabri të Italisë

Filmi i metrazhit të shkurtër “Mona”, me skenar e regji të Lorena Sopit, prodhim i Fakultetit të Arteve Dramatike, është përzgjedhur të jetë pjesë e programit zyrtar në Edicionin e 54 Malta Golden Knight Malta International Film Festival. “Është ky njëri ndër festivalet më të vjetra dhe më prestigjioze të filmit të shkurtër në kontinentin e vjetër”, ka thënë për KultPlus, Lorena Sopi.

Filmi “Mona”, gjatë muajit dhjetor është përzgjedhur të shfaqet edhe në programin zyrtar të Edicionit të 16 Camera Zizanio International Film Festival / European Young Film/ i cili mbahet në Peleponezë të Greqisë, e poashtu do të shfaqet edhe në Edicionin e 10 të Pentedattilo Film Festival në Kalabri të Italisë. Filmi “Mona”, deri më tani ka qenë pjesë e 30 festivaleve ndërkombëtare dhe ka fituar 5 çmime. Në këtë film luan balerina kosovare Teuta Krasniqi.