FOTO/ 19 mln euro drogë, prangosen 97 shqiptarë e grekë. Kreu i organizatës nga Shqipëria. Ja emri

Një operacion i madh policor është duke u zhvilluar në Athinë, ku deri tani janë vënë në pranga 97 persona, shqiptarë, grekë, bullgarë, rumunë dhe afrikanë. Ata akuzohet se shisnin lëndë narkotike në zona të ndryshime të kryeqytetit grek, shkruan SYRI.net.

Media greke bën të ditur se gjatë operacionit “Dragoi” janë sekuestruar dhjetëra kilogramë kanabis sativa, kokainë e heroinë. Policia greke ka bërë të ditur se kreu i kësaj organizate është një shqiptar.

Shqiptarit nuk i është dhënë emri, por vetëm pseudonimi. “Kapoja i organizatës njihet me emrin Gendi dhe është shpallur në kërkim. Ai ndodhet në Shqipëri dhe ka marrë pjesë në ekzekutimin e një shqiptari me 10 plumba, ngjarje e ndodhur në 13 nëntor”, bën të ditur SYRI.net, duke cituar burime zyrtare të Policisë greke.

Siç raportohet nga të dhënat e hetuara nga policia, kjo organizatë kriminale në vetëm 6 muaj, nga prilli deri tani ka qarkulluar më shumë se 19 milionë euro, shumica para që janë sjellë në Shqipëri.

Oficerët e policisë kanë kontrolluar 45 shtëpi, si dhe kanë sekuestruar 433 kilogramë kanabis sativa,  30.000 euro, 10 makina, një kamion, dy motorë, dy peshore e sende të tjera që shërbenin për ndarjen dhe shitjen e drogës.