FOTO/ Hajdin Sejdia humb gjyqin, Komuniteti Mysliman merr pronën tek “Disko Albania”

Ka përfunduar odiseja e gjyqeve për tokën tek ish-Disko Albania. Komuniteti Mysliman i Shqipërisë e kërkonte pronën e tij, ndërsa pronari i “Disko Albanias”, Hajdin Sejdia pretendonte se ishte e tija.

Në fakt edhe zona aty njihet me emrin “gropa e Hajdin Sejdisë”, e cila është mbushur disa vite më parë me inerte dhe kthyer në një park çlodhës për qytetarët e Tiranës.

Por gjyqi për pronësinë vazhdonte prej vitesh. Më në fund gjykata duket se ka vendosur në favor të Komunitetit Mysliman.

“Më në fund morëm pronën e KMSH tek ish Disko Klub Albania në qendër të Tiranës, që për vite të tëra ishte kthyer në gangrenë.

Fotot janë nga ekzekutimi i vendimit të Gjykatës së Lartë”, thuhet në një postim në faqen e Facebook, Drita Islame.