FOTO/ Nga Shën Tereza tek Obama, vizatimet e famshme të Klevin Okafor

Nëse mendoni se sytë po ju mashtrojnë-mund të keni të drejtë. Portretet e artistit Klevin Okafor nuk janë fotografi njëngjyrëshe, por vizatime të ndërlikuara të realizuara me laps.

“Duke përdorur hijet e plumbit, ju mund të manipuloni dhe të krijoni një iluzion të ngjyrave,” thotë Okafor. Çdo imazh i vizatuar i merr artistit 100 orë për ta krijuar, portrete të miqve e deri tek modelet, shkruan CNN.

“Para se unë të filloj të vizatoj, kaloj disa ditë duke analizuar personin apo strukturën. Është e rëndësishme që ata të ndihen rehat në mënyrë që të marrësh shprehjen e tyre natyrore,” shpjegon ai.

Në listën e portreteve të famshme të krijuara nga Okafor bën pjesë Rihanna, Beyonce, aktorja e Hollywood ,Zoe Saldana, këngëtarja Adele si dhe figura botërore si Shën Tereza dhe Presidenti Obama.

Portretet  tij të fundit të titulluara “Interlude” tregojnë seri femrash me sy të mbyllur, duke eksploruar momentet e soditjes së qetë.

I lindur dhe rritur në Londër, magjepsja e Okafor për vizatimet me laps nisi që moshën 8 vjeçare. Një karrierë në art jo e inkurajuar nga prindërit nigerianë.

Por pas diplomimit në vitin 2009, miqtë e tij i sugjeruan që t’i publikonte vizatimet e tij në Facebook. Sot veprat e tij mund të shiten nga 20.000-25.000 paund në varësi të madhësisë.