FOTO/ Obama viziton Akropolin: Greqia burim i kaq shumë ideve dhe vlerave

Presidenti amerikan, Barack Obama vizitoi sot Akropolin, para se të jepte vizionin e tij të demokracisë në momentin e rritjes së populizmit në mbarë botën.

Udhëtimi i fundit jashtë vendit i presidentit amerikan, që do të vijojë në Gjermani dhe në Peru, zhvillohet në hijen e pasardhësit republikan, Donald Trump, personaliteti dhe qëndrimi të cilit si dhe mungesa totale e eksperiencës politike ka rritur shqetësimin.

Barack Obama ka zgjedhur Greqinë për një prej fjalimeve të fundit të mëdha, një detyrë që ai e vlerëson në mënyrë të veçante

“Greqia eshte burim i kaq shumë ideve dhe vlerave që kanë ndihmuar në ndërtimin e Amerikës”.

Obama ishte i hapur për problemet e Greqisë dhe përsëriti besimin e tij se lehtësimi i borxheve është i nevojshem. Ai gjithashtu theksoi se Greqia duhet të vazhdojë zbatimin e reformave të dhimbshme të nënshkruara deri në këmbimin e paketave te shpëtimit  të njëpasnjëshme. Është e diskutueshme sa do të miratohet nga ky qëndrim nga pasardhësi i tij, Donald Trump, pas fitores së zgjedhjeve të këtij të fundit.

Përballë zhvillimit të një retorike populiste, si nga e djathta ashtu dhe e majta, në të dy anët e Atlantikut, presidenti në ikje synon të përqendrohet në frustrimet me të cilat kjo retorikë populiste ushqehet dhe të kërkojë mos t’i dorëzohemi një kapitalizmi të pashpirt.

“Globalizimi, teknologjitë dhe media sociale kanë tronditur jetesën, shpesh në mënyrë shumë konkrete”, theksoi ai dje. Njerëzit pyesin për identitetet e tyre kombëtare dhe vendin e tyre në botë”, shtoi ai.