FOTO/ Skandali në futboll, dalin hapur edhe 2 lojtarë. ‘Trajneri më përdhunoi mbi 100 herë kur isha fëmijë’

Katër ish-futbollistë janë shfaqur së bashku për të treguar në programin e BBC të Victoria Derbyshire se ata ishin abuzuar kur ishin fëmijë nga një trajner, shkruan BBC, citon Syri.net.

Andy Woodward, që ishte i pari që doli hapur, u përlot kur Chris Unsworth dhe Jason Dunford treguan për herë të parë se kishin qenë abuzuar nga Barry Bennell, ish-trajneri i Crewe Alexandra.

Unsworth tha se ‘ai kurrë s’ia kishte treguar ndonjë shpirti të gjallë” se ishte përdhunuar mbi 100 herë.

Trajneri Barry Bennell, 62 vjeç, ka kryer tre dënime me burg për vepra seksuale me fëmijë.

Bennel, që ka punuar gjithashtu si një ndërmjetë i futbollit për të rinjtë, u burgos në 1998 për 9 vjet dhe bëri edhe 4 vjet në SHBA. Në vitin 2015 atij iu dha një vendim tjetër për abuzim seksual të një djali në një kamp stërvitjeje në Macclesfield, por tani ka dalë nga burgu.

Disa ish-lojtarë kanë treguar, duke ngritur akuza, se ishin abuzuar seksualisht nga trajnerët kur kishin qenë fëmijë.

Një nga viktimat e abuzimit në fëmijëri, Unsworth, ishte një lojtar i ri në Manchester City me Bennel dhe pastaj shkoi tek Crewe me të kur ishte rreth 12 vjeç.

Ai tha se kishte qëndruar në shtëpinë e trajnerit disa herë dhe Bennel ndonjëherë fuste në shtrat edhe 2 ose 3 djem njëherësh për të abuzuar me ta.