‘Franca nuk është multikulturore!’ Francois Fillon fiton debatin presidencial me Alain Juppé

Politikani francez, Francois Fillon shihet si fituesi i një debati televiziv dy orësh me rivalin e tij Alain Juppe, sipas një sondazhi online të kryer pas mbarimit të debatit. Të dy po kandidojnë për emërimin e partisë Republikan franceze në garën presidenciale të vendit.

Gjatë debatit dy-orësh, 62-vjeçari Fillon tha se ndjente se e kishte fituar “betejën ideologjike”, duke pohuar se Franca nuk ka qenë kurrë më e djathtë se sa tani dhe kandidatura e tij ishte, pra, zgjedhja e përkryer. Ai gjithashtu tha se rivali i tij, Alain Juppé, “nuk dëshirom t’i ndryshojë gjërat.”

“Ai qëndron brenda sistemit dhe dëshiron vetëm ta përmirësojë atë. Projekti im është më radikal – tha Fillon cituar nga “Reuters”.

Kandidatët kanë pasur mosmarrëveshje rreth identitetit të Francës ku Fillon theksoi se “Franca nuk është më një komb multikulturor. Kur vini në shtëpinë e dikujt dhe të presin me mirësjellje, nuk  duhet të përfitoni nga kjo. ”

Juppé nga ana tjetër tha se është diversiteti i pasur është ajo që e bën të veçantë Francën, dhe se kombi duhet ta festojë këtë.