Franca shkatërron bandën e shqiptarëve që kalonte emigrantët me furgonë në Britani/ 5 mijë £ për person

Policia franceze ka shkatërruar një bandë që nxirrte shumë fitime nga kalimi kontrabandë i njerëzve, e cila dyshohej se ishte po ajo që kishte kaluar kontrabandë shqiptarët nga Franca për në Britani disa muaj më parë, njofton express.co, citon Syri.net.

Grupi i përbërë nga dy francezë dhe tre shqiptarë, ndërmjet tyre dhe një adoleshent, u kap në veri të Francës pasi rrethi i kontrabandistëve filloi të përpiqej më shumë për t’iu shmangur pikave të kontrollit kufitar.

Pasi i ka gjurmuar kontrabandistët për disa muaj, policia tha se rrjeti i kontrabandistëve ishte i mirëorganizuar dhe i kalonte njerëzit përmes kufirit nga pjesa e pasme e makinave për t’u shkrirë me pjesën tjetër të fluksit të trafikut në portin e Roscoff në Britani.

Por kur trafikantët u bënë edhe më ambiciozë në përpjekjet e tyre për të trafikuar, ata filluan të fshihnin njerëzit në pjesën e pasme të një mikrobuzi me qera të mbushur me mobilje për 5 mijë paund për person.

Një francez 39 vjeç u kap prej policisë së portit, e cila gjeti tre emigrantë shqiptarë të fshehur në pjesën e pasme të automjetit ndërsa ai po shkonte për t’u futur në një traget që shkonte në Britani, transmeton Syri.net.

Një tjetër 43-vjeçar u arrestua më vonë dhe çoi në arrestimin e tre shqiptarëve të moshave 19, 20 dhe 25 vjeç.

Treshja ishte e njohur për policinë për vjedhje, dhunë dhe armëmbajtje, ndërsa dy prej kontrabandistëve ishin emigrantë ilegalë.

Nga kontrolli u zbuluan 11 mijë paund në stërlina dhe euro si dhe një revolver, një kapuç dhe 15 gr kokainë.

Aktualisht janë 5 persona të akuzuar në këtë rast sipas prokurorit Eric Mathias, katër në arrest dhe një në kontroll.

Hetimi ka treguar se ka pasur një numër furgonësh, para të paguara në dorë dhe shumë emigrantë të transportuar për në Britani.