Fund monopoleve/ Kompania low cost ‘Wizzair’ nis në prill fluturimet Hungari-Shqipëri

‘Wizzair”, kompania hungareze ‘low cost” do të fillojë fluturimet direkte me Shqipërinë që nga muaji prill 2017.

Kjo është vendosur në memorandumin e bashkëpunimit që ministri i Transportit Sokol Dervishaj, ka firmosur në Hungari me ministrin e Zhvillimit Kombëtar, Miklós Seszták, memorandum Dervishaj theksoi se ardhja e kompanisë “low cost” për fluturimet Budapest-Tiranë dhe anasjelltas, është zhvillim shumë pozitiv për shqiptarët, që mund ta përdorin më tej Budapestin për të shkuar në destinacione të tjera dhe pritet të ndikojë drejtëpërdrejt në uljen e çmimeve të biletave.

Dervishaj u ndal edhe tek aeroporti i Kukësit, duke thënë se ministria e ka prioritet vënien në përdorim. “Do të doja të shikonim hapësirën që kompania ajrore WIZZAIR, të vijë dhe të operojë direkt, qoftë dhe me konçesion këtë aeroport,” tha ai.

Ndërsa homologu hungarez Seszták tha se ky memorandum, është historik pasi të dyja palët fitojnë dhe më e rëndësishmja, përfitojnë qytetarët.

Ministri Seszták gjithashtu mirëpriti propozimin për një përfshirje të mundshme të kompanisë WIZZAIR në Aeorportin e Kukësit.