Gjendet informacion mbi “shpirtin” në qelizat e njeriut. Ç’ndodh pas vdekjes?

Ekipi i fizikanit britanik Roger Penrose ka gjetur prova se mikrotubulet e proteinave përmbajnë informacion kuantik në lidhje me qenien njerëzore, që disa i referohen si “shpirti” dhe mund të zgjasë pas vdekjes së trupit, raporton “The Daily Express”, shkruan Dita.

Penrose shpjegon se një provë e kësaj teorie është se kur dikush vdes, këto kanale ia çlirojnë informacionin e tyre subatomik universit, por nëse procesi është i përkohshëm dhe arrin të kthehet në jetë, informacioni kthehet në trup.

“Nëse pacienti vdes është e mundur që informacioni kuantik të ekzistojë jashtë trupit si “shpirt”, ndoshta për një kohë të pacaktuar”, shton Roger Penrose.

Edhe hulumtuesit e Institutit Max Planck të Fizikës (Mynih, Gjermani) pajtohen me këtë dhe pohojnë se universi fizik në të cilin jetojmë është i bazuar në perceptimin tonë, por në momentin që pjesa jonë fizike vdes, ekziston një pafundësi e përtejshme.

Kreu i këtij institucioni, Hans-Peter Durr, thekson se “ajo që ne e konsiderojmë si “këtu dhe tani” është vetëm një pjesë materiale e asaj që ne kuptojmë, ndërsa “e përtejmja është një realitet shumë më i madh”.

Në këtë kuptim, Durr vë në dukje se “jetët tona tashmë janë të rrethuara nga kjo botë e re në të cilën “kur trupi vdes, fusha shpirtërore kuantike mbetet”, një fenomen që mund të konsiderohet “pavdekësi”./Dita