Gjykata gjermane mban në fuqi dënimin e ish rojës së Auschwitz

Gjykata federale e Gjermanisë e ka refuzuar sot ankesën e ish rojës 95-vjeçe të kampit të vdekjes, Auschwitz, ndaj dënimit me katër vjet burg.

Ai u shpall fajtor për bashkëfajësi në vrasjen e hebrenjve.

Vendimi për ta mbajtur në fuqi dënimin e Oskar Groning paraqet një precedent të rëndësishëm për përpjekjet e prokurorëve gjermanë për të përndjekur persona të tjerë që dyshohet se kanë shërbyer në kampin nazist të vdekjes, transmeton Express.

Groning u dënua në korrik të vitit 2015, për akuzat se ishte bashkëfajtor në vrasjen e 300.000 hebrenjve dhe u dënua me katër vjet burg në gjykatën e Luneburg.

Gjatë gjykimit, Groning u rrëfye se e kishte mbikëqyrur mbledhjen e gjerave personale të të burgosurve dhe ishte siguruar se paratë e gatshme dhe gjerat me vlerë ndaheshin për t’u dërguar në Berlin.

Por, ai e ka mohuar të ketë marrë pjesë në çfarëdo krimi./Express/