Gjysma e Romës e pushtuar nga hashashi që dërgohej nga Shqipëria, shkatërrohet super banda me 1 mijë klientë

Policia italiane ka vënë në pranga 4 persona në Tiburtino të Romës, ndërsa 100 persona të tjerë po hetohen si bashkëpunëtorë të 4 bandave të drogës. Kjo e fundit sipas Corriere della Sera, vinte nga Shqipëria dhe kishte si destinacion qendrën dhe lindjen e kryeqytetit italian.

Droga ishte e destinuar t’u shpërndahej bandave në zonën qendrore dhe në lindje të kryeqytetit. Një marrëveshje fitimprurëve, në lagjet me dendësi të lartë të popullsisë.

Sipas policisë italiane janë rreth i mijë klientë të shpërndarësve të drogës në mes Pietralata dhe Triburtino III. Po ashtu policia italiane thotë se biznesi i drogës në territorin e Romës, drejtohej nga 4 organizata që nga viti 2013.

Gjithçka ishte e organizuar më së miri, duke i shpëtuar vëmendjes së policisë. Madje në biznesin e drogës ishin të përfshira edhe gratë e trafikantëve të cilat ruanin shtëpitë e tyre.

Mëngjesin e së martës, policia ka arrestuar gjatë operacionit “Vëllezërit” 4 persona në Tiburtino. Sipas hetimeve, bëhet fjalë për dy liderët e bandës, Emanuel Barone, 34 vjeç dhe Cristiano Bussaglia, 36 vjeç . Po ashtu në pranga janë vënë dhe Samir Urso dhe Alessio Nataletti, 36 dhe 34 vjeç.

Ndërkohë të dyshuarit janë rreth 100 persona. Bandat e drogës sipas policisë, rrallë shisnin kokainë dhe marijuanë. Marrëveshja kishte në bazë vetëm hashashin që vinte nga Shqipëria.