Goditet banda e drogës në Greqi, kush është ‘Gendi’ kapoja shqiptar

Superoperacioni antidrogë në Athinë vuri në pranga 97 persona, organizatë kriminale me grekë, shqiptarë, bullgarë, rumunë dhe afrikanë.

Mediat greke raportojnë se koka e organizatës është një shqiptar, i dyshuari kryesor i ekzekutimit të një shqiptari në Greqi më 13 nëntor.

Sipas policisë, gjatë operacionit janë sekuestruar dhjetëra kilogramë kanabis sativa, kokainë e heroinë.

Shqiptari, kapoja i bandës njihej me emrin e koduar “Gendi” dhe është i shpallur në kërkim.

Ai dyshohet se ndodhet në Shqipëri dhe ka marrë pjesë në ekzekutimin e një shqiptari me 10 plumba, ngjarje e ndodhur në 13 nëntor.

Nga hetimet rezulton se vetëm për 6 mua, banda ka xhiruar me shumë se 19 milionë euro, shumica para që janë sjellë në Shqipëri.

POlicia tha se ka sekuestruar 433 kilogramë kanabis sativa, 30.000 euro, 10 makina, një kamion, dy motorë, dy peshore etj.