Goditje e drejtpërdrejtë! ‘New York Times’ akuzon publikisht Donald Trump si gënjeshtar

“New York Times” e ka akuzuar publikisht Presidentin Donald Trump si gënjeshtar, pas pretendimeve të tij se miliona njerëz kanë votuar në mënyrë të paligjshme në zgjedhjet presidenciale të SHBA-ve.

Gazeta amerikane, e cila ka dalë hapur kundër Donald Trump, ka publikuar një shkrim ku shkruante se Presidenti i zgjedhur i SHBA-ve Donald Trump, është mospërfillës për faktet e padiskutueshme dhe ndihet i kërcënuar nga humbja e votës popullore

Trump ka thënë se ka fituar si votën popullore ashtu edhe atë të Kolegjin Zgjedhor ndaj kandidates demokrate Hillary Clinton.
“Përveç fitores në Kolegjin Zgjedhor, kam fituar votën popullore, në qoftë se  zbresim miliona njerëz që kanë votuar në mënyrë të paligjshme”, ka deklaruar Trump dhe ka pyetur se pse mediat nuk raportojnë për mashtrimin e madh të votuesve në Virxhinia, New Hampshire dhe Kaliforni.
Por sipas “New York Times”, Trump nuk dha ndonjë shpjegim për pretendimet e tij dhe sipas gazetës, duket se republikani ka pak prova për votim të pa ligjshëm.

“New York Times” të hënë përmes një editoriali, i ka quajtur pretendimet e zotit Trump,   gënjeshtra që janë pjesë e modelit të tij mospërfillësj ndaj fakteve të padiskutueshme.
“Nuk ka asnjë dëshmi të votimit të paligjshëm në shkallë të vogël në vend, e lëre më një mashtrim sistematik që përfshin miliona votues”, shkruan “New York Times,”  duke i quajtur deklarata të tilla si fyerje ndaj votuesve dhe kërcënim ndaj themeleve e demokracisë amerikane.

Sipas gaztës Trump ndihet i kërcënuar nga fakti se 54 për qind e votuesve nuk e mbështesin atë, ndërsa ka pyetur se “në qoftë se ai është i shqetësuar më të vërtetë në lidhje me legjitimitetin e zgjedhjeve të 2016-ës, pse nuk bën thirrje për një rinumërim?”