Grabitet kasaforta e një karburanti në Durrës

Një grabitje ka ndodhur në orët e para të mëngjesit të sotëm në Durrës. Sipas të dhënave paraprake, mësohet se pre e grabitësve është bërë një karburant në zonën pranë Urës së Dajlanit.

Ngjarja ka ndodhur rreth orës 05:00 të mëngjesit, kur autorët kanë hyrë nga ana e pasme e godinës dhe kanë thyer xhamat. Më pas ata kanë arritur të hapin kasafortën e karburantit dhe të marrin aty një shumë parash, e cila ende nuk bëhet e ditur.

Dyshohet se autorët kanë qenë të mriëinformuar se ku ndodheshin paratë. Policia ka shkuar në vendin e ngjarjes dhe ka kryer të gjitha procedurat hetimore, ndërsa ka sekuestruar edhe pamjet filmike të kamerave të sigurisë për të identifikuar autorët e grabitjes.