Hakmarrje sipas Kanunit për shqiptarët e vrarë në Milano? Babai i Albanit: E vërteta që dimë – Opozita.com

Pas vendimeve nga Komisioni i Disiplinës, dënimeve dhe situatës aspak të mirë që është krijuar në klub, Flamurtari tashmë po përballet edhe me largimin e futbollistëve. Duke qenë se lojtarët nuk kanë marrë asnjë pagesë, ka kaluar edhe afati i fundit në të cilin ata mund të prisnin.

Bushic gol Flamurtari

Siç e ka bërë me dije “Panorama Sport” prej ditësh, Tomislav Bushiç ka fituar të drejtën për t’u larguar nga vlonjatët si futbollist i lirë tashmë. Ai dje, pas orës 12:00, kur edhe i ka përfunduar afati i fundit i ultimatumit që i kish dhënë klubit, është larguar nga Shqipëria. Në një intervistë të dhënë për “Panorama Sport”, nga vendlindja e tij, kroati shpjegon situatën e krijuar.

Bushiç, si është situata te Flamurtari?

Situata nuk është aspak e mirë, siç e dinë tashmë të gjithë. Federata ka nisur dënimin e klubit duke i hequr pikë dhe kjo është gjëja më e rëndë që mund t’i ndodhë një skuadre.

“Panorama Sport” ka raportuar para disa ditësh që ju i keni dorëzuar një ultimatum klubit dhe sot (dje) ka qenë afati i fundit. Si është e vërteta?

Kështu siç e thatë ju. U kam dhënë atyre një ultimatum përpara një muaji dhe nuk kanë bërë asgjë. Nga sot, tani është ora 18:00, unë mund të quhem edhe futbollist i lirë. Madje, sa për informacion, po ju shkruaj nga shtëpia ime në Kroaci.

Për çfarë ka qenë ky ultimatum?

Për pagesat, sepse as unë dhe as lojtarët e tjerë nuk kanë marrë asnjë pagesë që nga muaji korrik.

Çfarë ju është thënë nga presidenti gjatë kësaj periudhe?

Ai ka ardhur disa herë dhe na ka dhënë premtime në çdo takim, duke na thënë se do të rregullojë gjithçka. Megjithatë, asgjë nuk është bërë.

Çfarë hapash do të ndërmerrni tani? Do të nisni çështje në FSHF?

Jo, me anë të avokatit tim, i jam drejtuar FIFA-s dhe ai më ka bërë me dije që unë tashmë nuk jam në kontratë me Flamurtarin. Jam lojtar i lirë, deri në momentin që do të gjej një skuadër për të nënshkruar.

Për çfarë ju vjen keq më së shumti nga kjo situatë?

Më së shumti më vjen keq për lojtarët sepse kemi bërë gjithçka duhet si profesionistë dhe filluam të merrnim edhe rezultate dhe të zhvillonim ndeshje të mira. Tashmë, ekipit po i hiqen pikë. Gjithashtu më vjen shumë keq për tifozët, pasi në ndeshjen e fundit luajtëm me stadiumin thuajse të mbushur plot. Ishte ndjesi fantastike.

Çfarë do të bëni në të ardhmen, ka ende ndonjë shans që të mbeteni pjesë e kampionatit shqiptar?

Për momentin, nuk mund të them asgjë. Megjithatë, në janar jam i hapur për çfarëdolloj opsioni që do të kem. Kam gjithashtu edhe disa mundësi në Azi, por nuk di se çfarë do të ndodhë. Tani do të stërvitem me një skuadër në kategorinë e dytë këtu në Kroaci për të ruajtur formën.