Hawking: Duhet ta braktisim Tokën, ndryshe nuk do të mbijetojmë

Profesori Stephen Hawking ka paralajmëruar se njerëzimi nuk do të mbijetojë edhe njëmijë vjet të tjera, nëse nuk e bëjmë një shtëpi përtej atmosferës së Tokës.
Fizikani i paralizuar ishte duke mbajtur një ligjëratë në Universitetin e Oksfordit të hënën në mbrëmje, kur e dha paralajmërimin e frikshëm.

“Shumica e avancimeve të fundit në kozmologji janë arritur nga hapësira, aty ku pikëpamjet rreth universit tonë janë të pandërprera”, tha ai “por ne duhet gjithashtu të vazhdojmë të shkojmë në hapësirë për të ardhmen e njerëzimit”, transmeton Gazeta Express.

“Nuk mendoj se do të mbijetojmë edhe njëmijë vjet të tjera pa ikur në një planet tjetër”, shtoi ai.

Më herët këtë vit Hawking pati thënë se nuk frikësohet nga aventurat dhe se është në gjendje që të fluturojë për në gjithësi për të kërkuar shtëpinë e re për njerëzimin.