HISTORIA/ Spiunia e CIA-s që kishte në dorë jetën e Fidel Castros: Si rashë në krahët e tij

Njerëzit që kanë jetuar momente nga ato që ndryshojnë rrjedhën e historisë janë të pakët, por një nga ta e kemi gjallë për të treguar. Ajo është Marita Lorenz dhe në media njihet si gruaja që kishte në dorë Fidel Castron. Sipas Daily Mail, Merita mund t’i jepte fund jetës së tij duke ndryshuar rrjedhën politike të Kubës, por nuk e bëri.

Ajo sot është 76 vjeçe dhe kohë e fundit ka publikuar një libër me kujtime me titull: “Unë, spiunia që dashuroi komandantin”. Lorenz rrëfen se ka qenë e dashura sekrete e Castros për tetë muaj, për t’u bërë më pas agjente sekrete e CIA-s. Ajo ka lindur në një kamp nazist në Gjermani, ndërsa në 1959 udhëtoi drejt Kubës, ku takoi dhe u dashura me Fidel Castron.

Gjermanja rrëfen se historia me Fidelin nisi kur një anije e babait të saj mbërriti në Havana në fillim të vitit 1959. Pastaj shkon në Kubë për të, ndërsa marrëdhënia zgjati 8 muaj, ndonëse Merita thotë që
Castro nuk ishte një burrëpasionant në shtrat.

“Ishte më shumë i interesuar për përkëdhelje sesa për aktin seksual në vetvete, por në fund të fundit, të gjithë diktatorët kështu janë”, thotë ajo.

Ndërsa thotë se ka abortuar edhe një fëmijë që priste nga Kastro, gjermania thotë se u rekrutua nga CIA me detyrën që ta eleminonte.

Marita pranoi marrëveshjen nga CIA në të cilën ajo do t’i jepte atij kapsula të mbushura me helm. Ajo arriti deri aty sa të fuste pilulat në dhomën e tij të gjumit në kutinë e saj të kremit, por plani u zbulua nga Castro. “Ai e dinte se unë nuk do e bëja dot. Dhe, unë nuk e vrisja dot. Unë ende e doja atë, dhe ai mua. Për këtë kishte të drejtë”, tregon Lorenz.

Edhe pse ra në dashuri me një tjetër diktator, me venezulianin Marcos Perez Jiménez, me të cilin ka edhe një vajzë, Lorenz thotë se dashuria për Kastron nuk shua kurrë.