Homazhe për Fidel Kastron në Kubë, 25 lidera botëror konfirmojnë pjesëmarrjen, por jo Obama

Qindra-mijëra kubanezë i kanë dhënë lamtumirën liderit historik të vendit, Fidel Castro, i cili u nda nga jeta para disa ditësh, në moshën 90-vjecare.

Homazhet dyditëshe do të vazhdojnë edhe sot dhe do të arrijnë kulmin e tyre me një tubim masiv në Sheshin e Havanës, ku Castro ka mbajtur shpesh fjalime për të kritikuar ashpër Shtetet e Bashkuara.

Castro ka qëndruar në pushtet për gati gjysmë shekulli. Në vitin 1959, ai ka udhëhequr një revolucion, i cili rrëzoi qeverinë e korruptuar të asaj kohe.

Të paktën 25 liderë të huaj do të marrin pjesë në homazhet e liderit kubanez, sipas deklaratës nga Ministria kubaneze e Punëve të Jashtme.

Ceremonia mortore do të mbahet më 4 dhjetor.

Por Shtëpia e Bardhë ka thënë se presidenti Barack Obama nuk do jetë një nga liderat  që do të ndjekë funeralin e Castro.

As presidenti francez , Francois Hollande, nuk do të marrë pjesë në ceremoni gjithashtu.