Humb jetën papritur ish-futbollisti i mirënjohur

Ditën e sotme në mënyrë të papritur është ndarë nga jeta, ish-lojtari i Atletico Madridit, Daniel Prodan.

44-vjeçari ka humbur jetën pas një ataku në zemër ndërsa e pranishme ishte edhe gruaja e tij, shkruan “BBC Sport”.

Ambulanca mbërriti me shpejtësi në vendngjarje por nuk mundi të shpëtonte jetën e lojtarit rumun që gjatë sezonit 1997-98 ka milituar me Atleticon e Madridit.

Daniel Prodan ishte një ndër futbollistët më të mirë të brezit të artë të Rumanise pasi në Botërorin e vitit 1994 arriti deri në fazën çerekfinale.

Menjëherë pas lajmit të hidhur presidenti i klubit të Atleticos ka dërguar ngushëllime drejt familjarëve të të ndjerit.