Identifikohet sulmuesi që plagosi 11 studentë në SHBA, ishte refugjat nga Somalia

Policia amerikane ka identifikuar autorin e sulmit në Universitetin e Ohios në SHBA ditën e sotme, ku mbetën të plagosur 11 persona. Sipas mediave, sulmuesi është një refugjat me origjinë somaleze, i cili jetonte në Amerikë me dokumente të rregullta.

Sipas dëshmive, ngjarja nisi kur një makinë përlasi turmën e njerëzve në rrugën jashtë kampusit universitar. Nga automjeti doli autori i quajtur Abdul Razak Ali Artan, duke mbajtur në dorë një hanxhar dhe sulmoi studentët. Ai ishte rreth 18-20 vjeç.

Sipas policisë, dyshohet se veprimi i autori ka lidhje me sulmet ndaj myslimanëve. Në Facebook-un e tij u gjetën postime, ku i riu shprehte shqetësimin mbi sulmet ndaj myslimanëve. Këto janë dyshimet paraprake dhe ende të pakonfirmuara, por zyrtarët thonë se sulmi ishte planifikuar paraprakisht në mënyrë të qartë.

Abdul Razak Ali Artan u transferua nga Somalia në Pakistan në vitin 2007. Ai mbërriti në SHBA në vitin 2014 si refugjat dhe iu dhanë dokumentet legale për qëndrim të përhershëm në Amerikë. Sulmuesi mbeti i vrarë në ngjarjen e sotme, pasi u qëllua nga policia.

Në foton e mëposhtme është pikërisht oficeri i policisë Alan Horujko, që qëlloi për vdekje autorin.

Image