Itali-Gjermani /Nuk ka fitues në ‘San Siro’

Ka përfunduar në barazim pa gola miqësorja e luksit mes Italisë dhe Gjermanisë në stadiumin ‘San Siro’ të Milanos.

Një ndeshje mjaft e bukur edhe pse në të dyja krahët kishte mungesa të mëdha, për shkak se dy trajnerët kishin vendosur që të aktivizonin të rinjtë.

Duhet theksuar se ishte një ndeshje mjaft e ekuilibruar, pasi në pjesën e parë ishin gjermanët ata që kontrolluan lojën, ndërsa në pjesën e dytë Italia arriti të marrë frenat e dorës, dhe pati dhe një shans të artë me anë të belotit në minutat e fundit të ndeshjes duke goditur shtyllën.

Ndërkohë që Gjermanëve ju anulua dhe një gol i Kevin Voland, i cili ishte në pozicion të parregullt. Në këtë sfidë ai që ra në sy ishte mesfushori gjerman Gerhard i cili bëri ndeshjen e tij të parë me kombëtaren, duke zhvilluar një lojë shumë të bukur.